Kitap - bilim shıraǵı
Bul tapsırmalar arqalı studentler: leksikalıq mánini anıqlaydı; sinonim, antonim hám kóp mánili sózlerdi ajıratadı; temaǵa tiyisli sóz baylıǵın keńeytedi; leksikologiya teoriyasın ámelde qollanıw kónlikpesin qáliplestiredi; sın pikirlew hám erkin bayan etiw qábiletlerin rawajlandıradı.
Oqıtıwshı ushın túsindirme
Bul video rolikti qaraqalpaq tiliniń leksikologiya tarawın oqıtıwda ámeliy material retinde qollanıwǵa boladı. Rolikti kóriw arqalı studentler videoda ushırasqan sózlerdiń leksikalıq mánisin, olardıń ózara mánilik qatnasların (sinonim, antonim, omonim, kóp mánililik), temaǵa tiyisli terminlerdi analizleydi. Bul tapsırmalar studentlerdiń leksikalıq kompetenciyasın rawajlandırıp, teoriyalıq bilimlerin ámelde qollanıwına múmkinshilik beredi.
Qosımsha kórsetpeler
Tapsırma
1-tapsırma. Tiykarǵı sózlerdi anıqlań. Video rolikti kóriń hám temaǵa tiyisli 10–15 leksikalıq birlikti jazıń. Mısalı: kitap, bilim, oqıw, ustaz, kitaphana, dana, oqıwshı... 2-tapsırma. Sinonimlerin tabıń. Videodan jazıp alǵan sózlerdiń besewine sinonim jazıń. Mısalı: bilim - ilim, dana - aqıllı. 3-tapsırma. Sózlerdiń leksikalıq mánisin túsindiriń. Kitap Bilim Oqıw Kitapxana Danalıq 4-tapsırma. Klaster dúziń. Ortaǵa «KITAP» sózin jazıp, oǵan baylanıslı barlıq leksikalıq birliklerdi klaster túrinde kórsetiń.