Dawıssız seslerdiń dawıs hám shawqınıń qatnasına qaray bóliniwi
Bul súwretli tapsırma qaraqalpaq tilindegi dawıssız seslerdi dawıs hám shawqımnıń qatnasına qaray klassifikaciyalaw haqqındaǵı teoriyalıq bilimlerdi bekkemlew maqsetinde dúzilgen. Tapsırmanı orınlaw barısında studentler (oqıwshılar) infografikanı tallap, dawıssız seslerdi shawqımlı dawıssızlar hám sonorlar toparlarına ajıratadı. Shawqımlı dawıssızlardı únli hám únsiz, al sonorlardı awızlıq hám murınlıq toparlarına bólip úyrenedi.
Tapsırma
I.Yusupovtıń "Ana tilime" qosıǵındaǵı hárbir sózdi dawıssız seslerdiń dawıs hám shawqımnıń qatnasına qaray bólip jazıń.
Oqıtıwshı ushın túsindirme
Oqıtıwshı sabaq basında dawıs penen shawqımnıń qatnası haqqında qısqa teoriyalıq túsinik beredi. Keyin studentler infografika menen jeke, juplıq yamasa toparlıq túrde isleydi, berilgen tapsırmalardı orınlaydı. Tapsırma sońında juwaplar birgelikte talqılanıp, qáteler dúzetiledi hám qosımsha mısallar arqalı tema bekkemlenedi. Bul tapsırma studentlerdiń fonetikalıq bilimlerin bekkemlewge, klassifikaciya jasaw, salıstırıw, tallaw hám ámeliy qollanıw kónlikpelerin rawajlandırıwǵa xızmet etedi.